എറണാകുളം ജില്ലയിലെ പറവൂരില്‍ കുഴിമന്തി കഴിച്ച ആറുപേര്‍ ആശുപത്രിയില്‍. ഭക്ഷ്യവിഷബാധയെന്നാണ് സംശയം.
കുഴിമന്തി കഴിച്ച ശേഷം ഇവര്‍ക്ക് ശാരീരിക അസ്വസ്ഥത അനുഭവപ്പെടുകയായിരുന്നു.
പറവൂര്‍ ടൗണിലെ മജ്ലീസ് ഹോട്ടലില്‍ നിന്നാണ് ഭക്ഷണം വാങ്ങിയത്. സംഭവം റിപ്പോര്‍ട്ട് ചെയ്യപ്പെട്ടതിന് പിന്നാലെ പറവൂര്‍ നഗരസഭയിലെ ആരോഗ്യവിഭാഗം അധികൃതരെത്തി ഹോട്ടല്‍ അടപ്പിച്ചു.
ഹോട്ടലില്‍ ഉദ്യോഗസ്ഥര് പരിശോധനയും നടത്തി. ഇന്നലെ രാത്രിയാണ് ഇവിടെ നിന്ന് കുഴിമന്തി വാങ്ങിയതെന്നാണ് വിവരം.
